ازاى بتعرف تسيب اثر من نظرة واحدة مالوش حدود
ازاى بتعرف تمتلك كــــل القـلوب منغـــــــير مـجهـود
ازاى شاغلنى و انتا غــــايب حتى و كــــــأنك موجود
ليه لمــــا اشوفك ببقى تايه و انسى نفسى من الشرود
و لــكـل نظرة بعيش لــيالى ابنى فى امانى ووعـــــود
و بلمسة بترجعلى عمرى كانى لسة يا دوب مـــــولود
ازاى عينيك نـهر الى يـشرب مـنه مــرة لازم يـــعود
ازاى شـفـايـفـك زى حــباية العــنب اخــــر العـنقــود
ازاى بـتــطرح بـابتسامتك ورد احـمر عــ الـــــخدود
ازاى فى صوتك لما تهمس لحن ناى و جيتار و عود
ازاى بشوف دنيا بنجومها و سماها فى عنيك السود
ازاى شــفـايـــفـــك لــــما بتكلمـنــــى بـتـنـقــط ورود
ازاى بــتسلم لـمـا بتبان بالجــمال ده من الحــســــود
ازى بقيت مبعوزش غير انى ابقى جنبك من الوجود
Baker
amb.a@hotmail.com
هناك 43 تعليقًا:
ايه الكلام الحلو ده ....احساس عالى بجد ومشاعر رقيقة....تحياتى
ياعم ياعم علي الحب
ماتخافش أنا عيني باردة مش بتحسد
لما يمر نسيم الحب علينا نحس بيه نسمة ناعمة جميلة في ليلة صيف منقدرش نسأل ازاي
ربنا يسعدكم ويوفقكم
ويظل نسيم الحب يمر بحياتكم
تحياتي
سمراء
gannah
انتى احلى
ربنا يخليكى و مرورك ديما بيسعدنى
التى على خلاف مع حماتها
متقلقيش انا مش بخاف من الحسد لان لسه مفيش حاجه اتحسد عليها
سمراء
تعلقك ينفع بوست لوحده
دمتى بخير
ما شاء الله
ايه الكلام الجميل ده
وحشتنا كتاباتك الرومانسية
بس مش آخر العنقود ده بيبقى حصرم ولا ايه ؟؟؟؟
هههههههههههههه
دمت بخير أخى
سالى
مشاعر حلوة وكلمات احلى
بالتوفيق دائما
سالى (ام دودو)
و انا وحشنى تعليقاتك الى بتسعدنى
بس ايه حصروم دى انا اعرف ان اخر العنقود سكر معقود
اتعلمتها كده
دمتى بخير
موناليزا
تعليقك هو اللى احلى
حلوة اوي والصورة كمان حلوة ولايقة عليها انت فنان مش في الشعر بس في حاجات كتير انا عرفاها عنك
ربنا يوفقك ياااااااااااارب
مقلتليش عملت اية في الامتحان
حلوة اوي والصورة كمان حلوة ولايقة عليها انت فنان مش في الشعر بس في حاجات كتير انا عرفاها عنك
ربنا يوفقك ياااااااااااارب
مقلتليش عملت اية في الامتحان
مشمش
الحمد لله الامتحانات كويسه
و كويس انك لسه فاكره الحجات الى انا فنان فيها
ماااااااااااا علينا
اولا حمد الله على سلامتك
ثانيا طبعا رايئ فى اشعارك معروف من زمان
حقيقى تسلم ايدك
قطة
اولا الله يسلمك
ثانيا رايك مهم اوى بالنسبالى وبيسعدنى
حقيقى تسلملى زياراتك
و شوفى مدونه زورو كمان هيه مش كلها تاليفى بس هتعجبك ان شاء الله
و الله با ابنى لما ابقى الاقى لنفسى رد على اسالتك دى حبقى اقولك
:)
كلمات جميلة
عاليا
انتى شوفتيها ولا ايه
على العموم انا عمال افكر فى الاسئلة دى و محلتش فى اسئلة الامتحان بتاع الدراسات العليا
ساعدينى الله يخليكى و حليها معايا
تحياتى
احساسك عالي اوي بجد
حقيقي اسلوبك جميل ومحسوس
مرسي اوي لزيارتك عندي
تحياتي ليك
بقالي كتير ما قريتش غزل
رقيقة اوي الصورة اللي رسمتها كلماتك
ايوة ياعم شكلك خلصت امتحانات ياعم....وانا لسة مطحونة...تعالى يمين شوية علشان احسدك صح....اختك الى طالع عينها
سارة البحر
انتى اللى ذوقك عالى
و انا الى مرسى على زيارتك ليا
و تحياتى ليكى
سنووايت
رقيق اوى تعليقك و بجد شرفتينى بالزيارة
كيكى
اقولك سر انا لسه هخلص يوم 28 امتحاناتى بس مهانش عليا حد يجى يزور المدونة ميلاقيش حاجه جديده
و بعدينمتبصليش بعين قويه بصى للى مدفوع فيا
اخوكى الى طلعان عينه
بيكر
بيكر صديقى ازيك...والله فى بالى من امبارح..انا النهاردة خلصت امتحانات والنتيجة بعد اسبوع....سلق بيض يعنى..المهم عملت ايييييييية النهاردة...طمنيى عليك....يلا نغنى انا وانت..اخدنا اجازززززززززززززة
كيكى
صاحبتى ازيك انا الحمد لله حليت كويس و يارب تكونى انتى كمان حليتى كويس و ان شاء الله هتجبيلى الحلاوة بعد اسبوع بس انا بقى مش هاخد اجازة انا هرجع من الاجازة لانى كنت واخد اجازة من الشغل علشان الامتحانات و دلؤتى رجعت الشغل شوفتى بقى انا مطحون ازاى و هتغنى و تلعبى و تغظينى
ابقى طمنينى عليكى بقى
مشاعر جميلة ما شاء الله
اعلم انك تستطيع وضع صورة تعبر اكثر عن تلك الكلمات التى تحمل النغم والحب
وفقك الله
تحياتى
صديقى معلش...على فكرة انا زيك..فى برضوا حاجة وحشة عندى ومش هكمل الاجازة علشانها...هقولك والله بعد اسبوع....علشان بس مفولش على روحى...يعنى ولا هغيظك ولا حاجة..يلا نغنى ...اجازة فشنك ..اجازة فشنك
شيماء سمير
مرورك اسعدنى
بس وضحيلى اكتر عن الصورة مش فاهم اوى
كيكى
صاحبتى ازيك
حاسس فى كلامك حاجه مش مطمنانى بس متخافيش ان شاء الله هتيجى سليمه و هتعدى
بس على اى حال هى برضه اجازة فشنك اجازة فشنك
عودا حميدا
صحيح ازاى
ده لازم بقى حب ولا ايه؟
تحياتى
gannah
مرسى لذوقك و ياريت اكون ديما عند حسن الظن و ياريت ديما لما تزورينى تقرى حجات تعجبك و شوفى مدونه زورو ياريت تعجبك
تحياتى
ماشى ماشى....انا فلت صديقى اكيد مشغول موووووووت...قلت مش مشكلة اسال انا..اجى اليك مغير شكل المدونة ومظبطها كمان...واضح انك مشغول...خلاص زعلت
كيكى
صاحبتى ازيك
مش مساله مشغول و الله النت عندى مغلبنى و يدوب لحقت اغير شويه حجات
بعدين انتى طبعا اجدع منى و بتسألى عليابس والنبى متزعليش (لا اله الا الله)
اهم حاجه المدونه كده تمام ولا ايه
اخبار الامتحانا معاك أيه
عايزنك ترفع راسنا
السلام عليكم
كلمات جميله و احساس رقيق
يدل على حب حقيقى و صادق
اهم حاجه انك لما تحب تشوف اللى تحبه دا كل الدنيا فى عنيك
تحياتى
بيكر عووووووووووووووووووو...دة كنت ناوية اتخانق خانقة..وجبت معايا المصارعين اصحابى...مادم النت يبقى مفيش كلام...خد بالك من شغلك..واهتم بى اوك...المصارعين..اية دة احنا مش هنضرب حد..الا خالص دة بيكر صاحبى..المصارعين..جيبنا من مدونة لى مدونة ومش هنضرب حد..فكك منى..المصارعين..طب هنضربك انتى..الحقنى يا بيكر
عاليا حليم
ازيك يا عاليا ايه اخبارك و بجد زيارتين فى بوست واحد ده كتير عليا
على العموم انا الحمد لله حليت كويس على قد ما زاكرت يعنى اكمنى وقتى قليل موت و الدراسات العليا فى عين شمس صعبه اوى و ربنا يستر
تحياتى
ليله -ان شاء الله ميبكيش القمر- تانى
نورتى المدونه و تعليق هو الى جميل و راقى
تحياتى
كيكى
صاحبتى ايه الدخله المرعبه دى عووو مره واحده
على العموم انتى فهمتى غلط لما بقولك اندهيلى لو بتتخانقى انا قصدى علشان اخد بالى و الحق اجرى ليعرفوا انك صاحبتى
الحق اجرى انا بقى
بااااااااااااى
ايه ياعم الوصف الراقي ده انت بتوصف ملاك ربنا يوفقك انت وملاكك بجد احساس عاااااااااااااااااااااااااااالي ومشاعر صادقه.ربنا ينولك اللي في بالك.م\فطومه.
فطومه
ربنا يخليكى
ايه الحب ده كله والأحساس الجامد ده
بجد حلوة اوى
بس هو فى حد من الشباب الرجال بيحب كده ولا كله كلام
اصل بصراحة مشفتش ولد بيحب بجد كده
رشا ( مخ )
رشا
انا و الله بحب كده و ابو كده
إرسال تعليق