الأحد، 20 أبريل 2008

تلميذة

من اغلى منكِ او على عزيزة


يا من هواها فى الفؤاد غريزة


شيم الجمال عدا الحنان لديكِ


فلما ابـيـتِ حـمـل تلك الميزة


مـع انكِ فــى الرقــــة استاذة


لكنك فى العطف على تلميذة


BAKER




هناك 40 تعليقًا:

موناليزا يقول...

ربنا يوفقك وينجحك باعلى تقدير يا احمد يا بن ام احمد

rovy يقول...

اسعدنى مرورى
وربنا يوفقك وتنجح يا احمد وان شاء الله ترجع لمدونتك بالسلامه ..
وفقك الله
دعواتى وخالص تحياتى

rovy

Rania Lelah يقول...

يا رب يوفقك و ينجحك
اللهم امين

حاجات جوايا يقول...

ان شاء الله ربنا هييسرلك أمورك ويوفقك ان شاء الله وترجعلنا بالسلامة
شد حيلك ربنا معاك ..

الكلمات بجد رووووووعة
دام ابداعك أخى

ودمت بخير
سالى

مشمش يقول...

ربنا ينجحك يارب يابن ام احمد وابو احمد كمان وهدعيلك بجد وهحلملك حلم وانت عارف احلامي مبتنزلش الارض ابدا وهبقي اقولك حلمت باية
بس متنساش الحاجة الحلوة لما تنجح انا مش هدعيلك ببلاش يعني
بخصوص القصيدة الصغننة عجبتني اوي اوي وجميلة وشقية جداا
سلام يابن ام احمد

Gannah يقول...

ربنا ينجحك يا أحمد يابن طنط ام احمد.
بقى يوم ماجى ازورك الاقيك اجازة على العموم فى انتظار عودتك للتدوين بعد الامتحانات و عايزيين نسمع اخبار حلوة.
سعدت بمرورك على مدونتى
تحياتى

Yuki يقول...

ربنا يكون في عونك و يوفقك يا أحمد يا ابن أم أحمد ههههههه

بجد كلماتك جميلة اوووى

أول زيارة لمدونتك و مش الأخيرة إن شاء الله

:)

إنسان || Human يقول...

ايه ياعم الكلام الجامد ده ...عجبتني قوي
...
المهم بالتوفيق ان شاء الله وماتغيبش

أحمد بكر يقول...

موناليزا
ربنا يسمع منك
****
روفى
و انا اسعدنى مرورك
*****
رنيا
ربنا يخليكى
******
سالى الشدة على الله ربنا يخليكى
******
مشمش
بس انجح و شوفى انا هجيبلك ايه
*****
جنه
ان شاء الله تسمعى اخبار حلوه و على فكره طنط ام احمد بتسلم عليكى
******
yuki
المدونه منوره و الله و ان شاء الله تدوم الزيارات
****
هيومان
الحمد لله انها عجبتك و يا رب كل كلامى يعجبك
جميع الزوار الكرام معلش برد على السريع علشان بذاكر

صحفية روشة يقول...

ربنا يوفقك
شكلى انا كمان هاخد اجازة قريب

Desert cat يقول...

ربنا معاك ويوفقك ويرجعك بالف سلامة
متقلقش على المدونة هنتخانق بالراحة ومش هنكسر لك العفش

أحمد بكر يقول...

صحفيه روشه
لالا لما كلنا ناخد اجازة مين يدون
ولا انتى وراكى امتحانات لو كده يبقى اعدى زاكرى
**********
قطه
ايوه الله يخليكى خلى بالك على بال ما اجى
محدش يلعب فى حاجه انا بقول اهو

walaa يقول...

تغيب وترجع بالسلامه وربنا يوفقك فى امتحاناتك
تحياتى ولاء

غير معرف يقول...

يارب تنجح يا احمد يا ابن طنط ام احمد وتوفق ان شاء الله وتحصل على اعلى تقدير (امتياز بمرتبة الشرف) ده بالنسبه لك اما بالنسبه للقصيده فهي رائعه كالعاده في كلماتها واسلوبك ممتاز واحلى حاجه ان امكانياتك في اللغه العربيه واضحه فيها بجد انت مؤلف وكاتب رائع
فطومه

mostafa rayan يقول...

وانا اقول هذه قصيدة جميلة ولذيذه
ربنا يوفقك في الأمتحانات

majdaolin يقول...

انا فخوره اننا اصدقاء

أحمد بكر يقول...

ولاء
ربنا يخليكى و شرفتى المدونه اوعى تنسينى لحد ما ارجع
*********
فطومه
يسمع منك ربنا و ليكى الحلاوه و الله
******
مصطفى
تعليقك يستاهل بريزه
ربنا يخليك
******
مجدولين
و انا و الله كمان مبسوط اننا اصحاب

صحفية روشة يقول...

متغبش علينا اوى يعنى

____________________________
للى عاوز يزور لوحه شرف يدخل مدونتى وهتلاقو لينك لوحة شرف فيها
لوحة شرف هى لوحه شرف لكل من دون فابدع وينشر بها افضل بوستات كتبها البلوجرية
____________________________
ميفوتكش البوست الجديد (اوزه سينى هدوم اروسه)

shaimaa samir يقول...

اعانكم الله
واعاننا

بنات صاحبة الجلالة يقول...

ربنا يوفقك يارب بالنجاح والامتياز كمان متسناش الحاجة الساقعه هههههههه

ربنا معاك

غير معرف يقول...

الكلام معبر واللغه العربيه فيها ممتازه بس اللي عجبني اكثر اني حسيت انك بتقولها من قلبك بس مايهمكش انا قرأت في جريده عملاها واحده صحبتي اسمها هدهود انها فتحت فرع العطف في الجامعه الخاصه بها مدة الدراسه 35 يوم وبعدها هتكتشف ان انت تلميذ.هدهود.

كلام على بلاطة يقول...

يا بكر نتمنى لك التفوق والتقدم والازدهار فى دراساتك العليا وحياتك كلها وارجو لك التوفيق
ناجح يوسف فهمى

أحمد بكر يقول...

صحفية
اعمل ايه مشغول و الله
******
شيماء سمير
ربنا يخليكى على الدعوه الحلوه دى شكلك عندك امتاحنات انتى كمان
********
بنات صاحبة الجلالة
و الله حاجه ساقعه و كوكتيل كمان دنا عيونى ليكم
********
هدهود
اخلص امتحاناتى و اشوف بقى حكاية الجامعه الخاصة دى ايه
*******
ناجح يوسف
ربنا يخليك و نورت المدونه و الله

روح شرقيه يقول...

انشالله يا احمد يابن خالتى ام احمد تنجح وتاخد الشهاده الكبيره
قول امين بسرعه
بجد اتشرفت بمعرفتك لكن هفرح اكتر لما تطمنا على اخبار امتحاناتك
ربنا يكتبلك الخير ويوفقك للى يرضيه
وبردوا هقولك قول امين بسرعه
راح ازورك ديما علشان اطمن عليك
تحياتى
لكلماتك فالبوست كلماته منتهى النعومه
وفقك الله

dodda يقول...

ربنا يوفقك...
كلما ت رشيقه...
بونبونايه حلوه...وبكره التلميذه تنجخ وتتعلم الحنيه
شد حيلك وذاكر

أحمد بكر يقول...

روح شرقية
امين بسرعه
على فكرة انا اللى اتشرفت بمعرفتك و الله مرورك اسعدنى
***********
دودى
ربنا يسمع منك و تتعلم الحنيه ... و انجح بالمره يا رب

Empress appy يقول...

ايه ده اول مرة ادخل الاقينى دخلت لجنه يالا مش مهم حل كويس
بس واضح انك كاتب جامد هبقى اتسلى هنا شويه هههههههه

أحمد بكر يقول...

appy
نورتى المدونه و ربنا يخليكى على كاتب جامد دى انا فعلا بلعب حديد من زمان
ابقى تعالى اتسلى هنا بس اوعى تكسرى حاجه اتفقنا

Unknown يقول...

ساعات عدم وجود الحنان بيقلل كتير من جمال الشخصية و الشكل .. أسالنى أنا

ربنا يستر عليك يا ابنى فى الامتحانات و ترجعلنا سليم معافى :)))

غير معرف يقول...

الامتحان بكره ربنا يوفقك يا احمد وتنجح واكيد انت فنشت مذاكره وبتراجع لان انت عارف ان يوم الامتحان يكرم المرءاو يهان وانت انشاء الله ربنا هيكرمك اخر كرم وحسنه قليله تمنع بلاوي كثيره. كده ليا عندك 3 جنيه وقصص ميكي . ده طبعا غير هدية النجاح ان شاءالله . هكتب فطومه بس.

dina seliman يقول...

بالنجاح
وربنا معاك

أحمد بكر يقول...

عاليا حليم
بقالى كام بوست مشرفتنيش لدرجه انى قلقت ليكون مش حلوين
على العموم انا متنيل بفكر فيها فى الامتحانات و شكلى مش هرجع سليم
*******
فطومه
و الله قصص ميكى موجوده تعالى خديها بس التلاته جنيه لسه بحوشهم
*******
دينا سليمان
خطوه عزيزه
شرفتى المدونه

Mafrousa يقول...

ربنا يعلى مراتبك يا احمد يا ابن ام احمد
و ينجحك
و لما المراتب تعلى ابقى ادينى واحده اصل المرتبه اللى عندى مش مريحه

Darsh يقول...

ربنا يوفقك يا رب يا أحمد يا ابن تنت أم أحمد و يبعد عنك عين الناس الحاسد فيهم و المحتاس و يجعلك في خطوة سلامة و في كل مناقش ليك يبعد عن الرخامة في مناقشة الرسالة

غير معرف يقول...

ربنا يوفقك يارب
بدعيلك دعوه مكبوته ساعه العصريه
وعجبتني تلمذه جدااا
تحياتي

أحمد بكر يقول...

مفروسة
ان شاء الله لو عندى مرتبة زيادة هعمل حسابك
ولا اقولك لا خليكى مفروسه و خلاص
******
درش
ربنا يسمع منك يا جميل مرورك اسعدنى
********
ميادة
ربنا يخليكى
بس ليه الدعوه مكبوته
على العموم انتى كمان عاجبة التلميذة

كيكى عوووووو يقول...

يارب انا وانت والناس كلها....تحياتى لمدونتك الى احلى من السكر....ادعى بزمة علشان عندى قانون تجارى....يارب

أحمد بكر يقول...

كيكى
ربنا يوفقك و يوفق كل الى بيمتحنوا (بزمة)
و الله انتى الى احلى من السكر و الحمد لله ان المدونة عجبتك

سمراء يقول...

ربنا يوفقك
يا احمد يا ابن ام احمد
اشكرك على الزيارة
سمراء

أحمد بكر يقول...

سمراء
مرورك اسعدنى على فكرة انا ضعيف اوى قدام اى مدونه سمراء

نزيم

 رواية نزيم  مغامرة غير مسبوقة في عالم الجن والشياطين، ولقاء حصري مع خادمة الشيطان ومستشاره